Felgenhauer: ABŞ Bakı və İrəvanı xəbərdar edir...

Axar.az xəbər verir ki, bunu Ermənistanın "168 Jam” qəzetinə müsahibəsində rusiyalı hərbi ekspert Pavel Felgenhauer söyləyib. Onun sözlərinə görə, rus silahının regiona axınının məhdudlaşdırılması zamanla bu ölkələrin özlərinin Rusiya silahlarından imtinasına gətirib çıxaracaq, əks təqdirdə ABŞ bu ölkələr üçün ciddi maliyyə problemləri yarada bilər:

"Bu, göründüyündən daha sistemli siyasətdir. Ona görə ki, bu siyasət uğur qazanacağı təqdirdə regionun militarizasiya səviyyəsi aşağı düşəcək. Lakin bu, tərəflərin konfliktin həllinə yaxınlaşması anlamına gəlməyəcək. Sadəcə, siyasi və diplomatik mənada olduğu kimi, hərbi baxımdan da boşluq yaranacaq.

Faktiki olaraq ABŞ bu boşluğu silah tədarükü ilə yox, diplomatik aktivlik və ya özünün regional mövcudluğunu artırmaq vasitəsilə təqdim edəcəyi yeni həll planı sayəsində həll etmək istəyir. ABŞ bu sanksiyalar vasitəsilə təkcə Rusiyanı Suriya və Ukraynada yox, həm də Moskvanın daha uğurlu olduğu Qarabağ konfliktində qarşısını almaq istəyir”.