Bakı bu silahları alıb, biz isə... – Erməni ekspert

Axar.az xəbər verir ki, bunu "Sputnik Ermənistan” saytına müsahibəsində erməni hərbi ekspert David Arutyunov deyib.

"Ermənistan bundan öncəki 200 milyonluq kreditlə Ermənistan və Azərbyacan arasında balans yaradacaq silahlar alıb. Bu kredit xətti ilə tədarük keçən ilin sonunda bitib. Yeni vəsaitlə Ermənistan öz hərbi texnikasını, daha çox isə tanklarını, piyadaların döyüş maşınlarını və zirehli transportyorlarını modernizə edə bilər. Digər istiqamət isə artilleriya qurğuları, tank əleyhinə sistemlərin alınması ola bilər. Son illər ərzində Azərbaycan İsraildən əhəmiyyətli dərəcədə tank əleyhinə komplekslər alıb və Ermənistana pariteti saxlamaq lazımdır.

Digər istiqamət "2C1 Qvozdika” və "2C3 Akasiya” artilleriya sistemlərinin yenilənməsidir. Bu sistemlərin modernizəsi üçün böyük resursu var. Ümid edirəm ki, bu istiqamətdə nəsə ediləcək. Ona görə ki, Azərbaycan özüyeriyən qurğulara, xüsusilə "2C19 Mcta-C” və "2C31 Vena”ya böyük pullar xərcləyib.

Başqa bir məsələ isə aviasiya sistemləri, özəlliklə də hərbi vertolyotların modernləşdirilməsidir”, – deyə o bildirib.