Ermənilər 80 günə müharibənin taleyini həll etdi

Axar.az xəbər verir ki, bu sözləri "Qafqaz Beynəlxalq Münasibətlər və Strateji Araşdırmalar Mərkəzi”nin (QAFSAM) sədri Araz Aslanlı qeyd edib. Politoloqun sözlərinə görə, hərbi gedişatı əsasən həmin 80 gün müəyyən etdi:

"Müharibənin taleyini müəyyənləşdirən, münaqişənin indiki vəziyyətə gəlməsinə və bu halda qalmasına səbəb olan amillər çoxdur. Təbii ki, hər qarış torpağımız eyni dərəcədə dəyərlidir. İşğal olunan bütün torpaqlarımız üçün eyni üzüntünü yaşayırıq və işğaldan azad olunması üçün əlimizdən gələni etməliyik. Amma aeroportun yerləşdiyi Xocalını, yüksək strateji mövqeyə malik olan Şuşanı, keçmiş Dağlıq Qarabağ Muxtar Vilayəti ilə Ermənistan arasında körpü rolunu oynayan Laçını işğal etməklə Ermənistan hərbi cəhətdən ciddi mövqe üstünlüyü əldə etdi. Bu üstünlük də sonrakı bütün mərhələlərdə Azərbaycana mane oldu ki, müharibədə tam dönüş yaratsın”.

Xatırladaq ki, Laçın şəhəri 1992-ci il mayın 18-də Ermənistan Silahlı Qüvvələri tərəfindən işğal edilib.