Sarkisyanın adamları dağılışır
Ermənistanda baş vermiş "məxməri inqilab”dan sonra Serj Sarkisyanın rəhbərlik etdiyi Respublika Partiyasının parlament fraksiyasında təmsil olunan oliqarx-deputatlar kütləvi şəkildə istefa verməyə başlayıb.
Qeyd edək ki, iyunun 4-də Respublika Partiyasının fraksiyasının sıralarını Feliks Tsolakyan tərk edib. O, bundan sonra müstəqil deputat kimi fəaliyyət göstərmək istədiyini deyib. Son bir həftədə isə Serj Sarkisyanın partiyasındakı deputatlardan Şirak Torosyan, Artur Gevorkyan və Arman Saakyan istefa verib.
Cebhe.info yerli mətbuata istinadən bildirir ki, Ermənistan Respublika Partiyasının deputat fraksiyasının rəhbəri Vahram Baqdasaryan istefa verməkdə hər kəsin müstəqil olduğunu bildirib:
"Biz fraksiyamızın biznes qanadının nümayəndələrinə azad olduqlarını və hər hansı maneə törədilmədən sakitcə fraksiyanı tərk edə biləcəklərini demişik. Biz heç kimə yolu bağlamırıq”.
Baqdasaryan hazırda RP-nın deputatlarının sayının 54 nəfərə endiyini deyib.
Vaham Bağdasaryanın verdiyi məlumata görə, keçmiş prezident Serj Sarkisyanın rəhbərlik etdiyi RP fraksiyasının nümayəndələri bir gün əvvəl böyük iş adamı, millət vəkili Araik Qriqoryana məxsus olan "Avşar" şərab zavodunda toplaşıblar.
Həmin yığıncaqda Ermənistanın vitse-spikeri və Avropa Şurası Parlament Assambleyasındakı nümayəndə heyətinin rəhbəri Arpinne Ovnnisyan, Miqran Poqosyan, Aman Saakyan, Feliks Tsolakyan, Alik Sarkisyan, tanınmış iş adamı, supermarketlər şəbəkəsinin rəhbəri Samvel Aleksanyan iştirak ediblər. Deputatlar Ermənistan Respuiblika Partiyasının gələcək taleyini müzakirə ediblər.
Samvel Aleksanyan "Mənim işim çoxdur” deyərək müzakirələri vaxtından əvvəl tərk edib.
Serj Sarkisyan isə "Biznes nümayəndələri azaddır. Kim istəsə, Ermənistan Respublika Partiyasını tərk edə bilər”,-deyə məsələyə münasibət bildirib. Siyasi bloka gəldikdə isə Serj Sarkisyan onları da azad etdiyini deyib. " Lakin onlar getmək istəyirlərsə, deputat mandatını yerə qoymağa borcludurlar.
Çünki əxlaq belə buyurur”,-deyə Serj Sarkisyan xəbərdarlıq edib. Mətbuat artıq Samvel Aleksanyan və "SAS Group" şirkətinin sahibi Artak Sarkisyan da RPİ-dən çıxacağını yazır.
Dünən isə 2017-ci ilin oktyabr ayında Serj Sarksiyan tərəfindən Dövlət Sosial Təminat Xidmətinin rəisi təyin edilmiş Ovannes Saakyan istefa verib.
www.anews.az
Foto
Video
