Hərbi vəziyyətin gərginləşməsi cəsədləri qaytarmağa kömək etməyəcək

"Dağlıq Qarabağda hərbi vəziyyətin gərginləşməsi helikopterin ekipajı üzvlərinin cəsədlərini qaytarmağa kömək etməyəcək. Biz təfələri dialoqa və diplomatiyaya çağırırıq". 

ANN.Az "Report"a istinadən xəbər verir ki, bu barədə öz Twitter səgifəsində ATƏT-in Minsk qrupunun (MQ) amerikalı həmsədri Ceyms Uorlik yazıb.  Qeyd edək ki, Azərbaycan Müdafiə Nazirliyi məlumatına əsasən, noyabrın 12-də saat 13:45 radələrində cəbhənin Ağdam rayonunun Kəngərli kəndindən 1700 metr şimal-şərq istiqamətində Ermənistan Respublikası Silahlı Qüvvələrinə məxsus Mi-24 tipli helikopteri döyüş kursuna enərək Azərbaycan mövqelərinə hücum edib.

 Azərbaycan qoşunları tərəfindən açılan cavab atəşi nəticəsində düşmən helikopteri məhv edilib. ATƏT-in MQ həmsədrləri bu günlərdəki bəyanatlarında tərəfləri helikopterin qalıqlarına yaxınlaşa bilmək üçün onun düşdüyü yerin bilavasitə yaxınlığında atəşkəsi qorumağa çağırıblar. 

ANN.Az