Volodin Bakı səfərinin detallarını açıqladı

Oxu.Az xəbər verir ki, o bununla bağlı AzTV telekanalına müsahibəsində danışıb. 

"Parlamentlərarası münasibətlərdə, sözsüz ki, inkişaf potensialı var. Ümid edirik ki, səfər nəticəsində bu əlaqələrin bölgələrarası səviyyəyə gətirilməsinə imkan verəcək razılıq əldə olunacaq və xalqlar arasında əlaqələrin inkişafına təkan verəcək”, - o deyib. 

Skiper əlavə edib ki, bu, Dövlət Dumasının VII çağırışının nümayəndələrinin Bakıya ilk səfəridir. 

Onun sözlərinə görə, hər iki ölkə deputatlarının qarşısında Rusiya və Azərbaycan prezidentləri tərəfindən tapşırılan bir çox məsələləri həll etmək durur. 

"Dövlət başçılarımız tez-tez görüşür, onlar əlaqələrimizin inkişafı ilə bağlı mühüm məsələlər müzakirə edirlər. 

Parlamentlərin əsas vəzifəsi Azərbaycan prezidenti İlham Əliyev və Rusiya prezidenti Vladimir Putin səviyyəsində qəbul edilmiş qərarları yerinə yetirməkdir”, - Volodin bildirib. 

Dövlət Dumasının sədri hesab edir ki, 2019-cu ildə regionlararası əməkdaşlıq çərçivəsində birgə konfransın keçirilməsi məsələsini müzakirə etmək vacibdir. 

Bundan başqa, Volodinin fikrincə, Azərbaycan və Rusiya parlamentlərinin komitələri arasında qarşılıqlı fəaliyyəti fəallaşdırmaq lazımdır.

O qeyd edib ki, rusiyalı nümayəndə heyətinin tərkibinə Dağıstan Respublikasının və Stavropol vilayətinin qanunverici məclisinin sədrləri də daxildir. 

"Bizdə böyük potensial var və onu işə salmaq lazımdır: bizim xalqlarımızın gözlədiyi qərarları qəbul etməliyik”, - Volodin dilə gətirib. 

O deyib ki, ötən il Rusiya və Azərbaycan arasında ticarət dövriyyəsi 30 faizdən çox artıb. Bu, Moskva və Bakı arasındakı əlaqələrin inkişafında çox yaxşı göstəricidir. 

Volodin əlavə edib ki, rusiyalı turistlər istirahət üçün Avropanın Monteneqro, Bolqarıstan və Çexiya kimi ölkələrindənsə Azərbaycana üstünlük verirlər. 

Spiker Vyaçeslav Volodinin rəhbərlik etdiyi nümayəndə heyəti iyunun 24-də Azərbaycana səfərə gəlib. İkigünlük səfər çərçivəsində onlar Azərbaycan prezidenti İlham Əliyevin də qəbulunda olublar. 

Nümayəndə heyətinin üzvləri Azərbaycan Milli Məclisinin sədri Oqtay Əsədovla görüşəcəklər.