Mattarella Bakıdan sonra niyə İrəvana getdi?

Bu sözləri Axar.az-a İtaliya prezidentinin Azərbaycandan sonra İrəvana səfəri haqda danışan millət vəkili Rasim Musabəyov deyib.

"İtaliya ilə Ermənistan arasında əməkdaşlıq üçün heç bir predmet yoxdur. Bu səfər rəmzi xarakter daşıyır. Digər tərəfdən, Ermənistanı sözügedən ölkə ilə hansısa iqtisadi və siyasi əlaqələr bağlamır. Ancaq İtaliya Prezidenti Sercio Mattarella Azərbaycanda böyük bir müəssisənin açılışında iştirak etdi. Bu onu müşayiət edən iş adamları üçün xeyli maraq kəsb edir. O üzdən Mattarellanın Azərbaycana səfəri bir çox aspektdən mühüm əhəmiyyətə malikdir”, - deputat bildirib.

Politoloq Elxan Şahinoğlu qeyd edib ki, İtaliya ilə Azərbaycan arasındakı əməkdaşlıq imkanları İtaliya-Ermənistan arasındakı əməkdaşlıq imkanlarından daha genişdir:

"İtaliya ilə Azərbaycan arasında ticarət mübadiləsi milyardlarla dollarla ölçülür. Buna görə də İtaliya prezidenti Ermənistanda daha çox humanitar əlaqələrdən və tarixi yaxınlıqdan danışdı”.

Qeyd edək ki, İtaliya Prezidenti Sercio Matarella Bakıya səfərinin ardından ötən gün Ermənistana gedib.