Putinin Paşinyana Qarabağ mesajı: Ordumuzun II paradı...

Bu sözləri Axar.az-a açıqlamasında politoloq İlqar Vəlizadə deyib. Ekspert bildirib ki, Azərbaycan və Ermənistan arasında hərbi insidentlərin baş verməsini önləmək məqsədilə qaynar xəttin yaradılması çox vacib bir qərardır:

"Əks təqdirdə genişmiqyaslı əməliyyatlar regionda hərbi-siyasi vəziyyəti dəyişdirə bilərdi. Rusiya və Minsk Qrupunun digər həmsədrləri də bundan narahat idi. Bundan başqa, Paşinyanın Dağlıq Qarabağa dair son bəyanatları da açıq müharibə şəraitinin yaradılmasına gətirib çıxarırdı. Hesab edirəm ki, Rusiya və həmsədrlər Paşinyana təzyiq göstərməklə böyük bir qarşıdurmanın qarşısını aldılar. Görünür, Moskva Paşinyana bu istiqamətdə davam edəcəyi təqdirdə məsuliyyətin Ermənistanın üzərinə düşəcəyini başa salıb. Məhz bu faktor da Ermənistanı öz mövqeyindən geri çəkilməyə vadar edib”.

Politoloq bildirib ki, qəbul olunan qərarlar danışıqlar prosesinin daha konstruktiv istiqamətdə inkişaf etməsinə şərait yaradacaq:

"Çünki bundan öncə Putinin Ermənistana səfəri gündəmdə idi, ancaq alınmadı. Əslində, bu, Rusiyanın yaranmış vəziyyətdən narahatlıq keçirdiyinə dair Ermənistana bir ismarışı idi. Üstəlik, Azərbaycanın hərbi qüdrətini bu il ikinci dəfə - 15 sentyabrda nümayiş etdirməsi İrəvana ciddi mesaj oldu. Ermənistan da riskləri nəzərə alaraq, geri çəkilməyə qərar verdi”.