Baş nazir təsdiq etdi - Fərhadov və nazir müavini işdən çıxarıldı

Report xəbər verir ki, bu barədə qərarı Baş nazir Novruz Məmmədov imzalayıb.

Müşahidə Şurasının yeni tərkibi aşağıdakı kimidir:

Müşahidə Şurasının sədri

Rövşən Rzayev - Qaçqınların və Məcburi Köçkünlərin İşləri üzrə Dövlət Komitəsinin sədri

Müşahidə Şurasının üzvləri:

İlqar Fəti-zadə - maliyyə nazirinin birinci müavini

Mətin Kərimli - əmək və əhalinin sosial müdafiəsi nazirinin müavini

Cəmaləddin Quliyev - İqtisadiyyat Nazirliyinin Aparatının iqtisadi və sosial sahələrin inkişafı şöbəsinin müdiri

Azay Quliyev - Azərbaycan Prezidenti yanında Qeyri-Hökumət Təşkilatlarına Dövlət Dəstəyi Şurasının sədri

Adil Abdullayev - "Avropa Lift Sistemləri” MMC-nin təsisçisi, Kiçik və Orta Sahibkarlar İttifaqının prezidenti

Qulam İshaqzai - BMT-nin İnkişaf Proqramının rezident nümayəndəsi

Caydev Sinqx - ABŞ-ın Beynəlxalq İnkişaf Agentliyinin Azərbaycandakı missiya direktoru

Guido Ambroso - BMT-nin Qaçqınlar üzrə Ali Komissarının Azərbaycandakı nümayəndəsi.

***

Siyahının təsdiqləməsi ilə Qaçqınların və Məcburi Köçkünlərin İşləri üzrə Dövlət Komitəsinin ("Qaçqınkom”) sədr müavini Gəray Fərhadov və əmək və əhalinin sosial müdafiəsi nazirinin müavini Natiq Məmmədov Məcburi Köçkünlərin Sosial İnkişaf Fondunun Müşahidə Şurasının üzvlüyündən çıxarılmış sayılıblar.

Gəray Fərhadov baş nazirin müavini Əli Həsənovun xalası oğludur.