Vətəndaşlarımızı evində qul kimi işlədən erməni general Azərbaycana qaçır

Erməni general Manvel Qriqoryan faktiki olaraq azad hərəkət hüququndan məhrum edilib.

Publiak.az Ermənistan KİV-inə istinadən xəbər verir ki, bu haqda onun vəkili Levon Baqdasaryan mətbuat kobfransında deyib. Vəkil həmçinin, müdafiə etdiyi şəxsin Ermənistanı tərk edib Qarabağa gedəcəyi barədə Ermənistan İstintaq Komitəsinin açıqlamasını absurd adlandırıb. "Bildirirlər ki, Manvel Qriqoryan azadlıqda qalarsa, Ermənistanı tərk edəcək. Rəsmən bəyan edirlər ki, həbs qətimkan tədbirini dəyişə bilmərik. Səbəb kimi onun Qarabağa gedəcəyini deyirlər”, - vəkil deyib. Qeyd edək ki, Manvel Qriqoryan səhhətində yaranan problemlərlə əlaqədar həbsdən azad edilərək Armavir vilayətinin Aknaliç kəndinə gətirilib. Orada onun bağ evi var. Eçmiadzini sakinləri onu yenidən həbsin altına qaytarmağı tələb edərək küçələrə çıxıblar. Polis məhkəməsiz cəzalandırmadan ehtiyat edərək Qriqoryanı evinin ətrafında gecə-gündüz növbə çəkir. Baqdasaryan isə hesab edir ki, etiraz aksiyalarını polis özü istiqamətləndirir. "Mümkün qədər daha çox insan toplaşsın deyə polis özü təşkilatçıları dəvət edib və aksiya keçirməyi məsləhət görüb”, - Baqdasaryan deyib.

İrəvan məhkəməsi dekabrın 21-də 25 milyon dram ( 51,5 min dollar) girov qarşılığında Qriqoryanın azad olunması haqqında qərar qəbul edib. Qriqoryan silahın qanunsuz saxlanılmasında və hərbçilər üçün olan ərzağın mənimsənməsində ittiham edilərək iyunda deputat toxunulmazlığından məhrum edilməklə həbs olunmuşdu. Ermənistanın baş prokurorluğu Qarabağ müharibəsində azərbaycanlılara qarşı soyqırımın əsas iştirakçısı olmuş Manvel Qriqoryanın azadlığa buraxılması ilə bağlı məhkəmə qərarından apelyasiya şikayət verib. Baş prokurorluğun nümayəndəsi Arevik Xaçatryan deyib ki, məhkəmənin Qriqoryanla bağlı qərarı əsassızdır. Qeyd edək ki, Manvel Qriqoryan azərbaycanlı əsirləri evində qul kimi işlətməsi ilə də məşhurdur