Sabiq Baş prokuror qardaşının işdən çıxarılmasından danışdı

Azərbaycanın sabiq Baş prokuroru Əli Ömərov qardaşı Dilqəm Alıyevin Gəncə Şəhər Mənzil Kommunal Təsərrüfatı İstehsalat Birliyinin rəis müavini vəzifəsindən çıxarılmasından danışıb.

Əli Ömərov ölkə.az-a açıqlamasında bildirib ki, qardaşı öz istəyilə işdən çıxıb:

"Qardaşım öz ərizəsilə işdən çıxıb. Əmək kitabçası da özündədir. Başqa sahədə işləmək üçün Gəncə Şəhər Mənzil Kommunal Təsərrüfatı İstehsalat Birliyindən gedib".

Xatırladaq ki, Gəncə Şəhər Mənzil Kommunal Təsərrüfatı İstehsalat Birliyinin rəis müavini Dilqəm Alıyevin işində verdiyi nöqsanlara görə tutduğu vəzifədən azad edildiyi deyilir.