Zaxarova Məmmədyarov-Mnatsakanyanın Moskva görüşü barədə

Hansısa tərəflər mümkün danışıqlar meydançasının təmin olunması və ya hər hansı vasitəçiliyin göstərilməsi ilə bağlı Rusiyaya müraciət edəndə, Moskva belə müraciətləri hörmətlə nəzərdən keçirir.

Bu sözləri Rusiya XİN rəsmi nümayəndəsi Mariya Zaxarova keçirdiyi brifinqdə "Moskva-Baku” müxbirinin sualına cavab verərkən səsləndirib. 

Jurnalist Rusiya tərəfinin MDB xarici işlər nazirləri Şurasının aprelin 5-də Moskvada keçiriləcək toplantısı çərçivəsində Azərbaycan və Ermənistan XİN rəhbərləri arasında danışıqlar üçün meydança ilə təmin etməyə hazır olub-olmadığını soruşub.

"Bu məsələnin həssaslığını və kəskinliyini və təəsüflər olsun ki, KİV-də düzgün olmayan şəkildə təqdim olunduğunu nəzərə alıb, hadisələri tələsdirməyək.

Konkret bu məsələ yox, ümumilikdə, dünya miqyasında danışsaq, hansısa tərəf danışıqlar meydançasının təmin olunması və ya hər hansı vasitəçilik üçün Rusiya tərəfinə müraciət edəndə, Moskva bu müraciəti hörmətlə nəzərdən keçirir”, - deyə rəsmi nümayəndə bildirib.