Rəsmi Bakıdan rumıniyalı deputatın “işğalçı olacaqsınız” fikrinə reaksiya
29.05.2019 15:18
Rumıniya Ticarət-Sənaye Palatasının üzvü Afanasi Tyudorun Ermənistan-Azərbaycan Dağlıq Qarabağ münaqişəsi ilə bağlı söylədikləri onun şəxsi fikirləridir və görünür, o, münaqişənin tarixi və hüquqi aspektlərindən məlumatsızdır.
Bu fikirləri Oxu.Az-ın sorğusuna cavabında Azərbaycan Xarici İşlər Nazirliyinin mətbuat katibi Leyla Abdullayeva A.Tyudorun "Azərbaycan Qarabağı azad etsə, işğalçı dövlət kimi tanınacaq” fikrinə münasibət bildirərkən deyib.
"Münaqişənin həlli ilə bağlı beynəlxalq ictimaiyyətin mövqeyi, o cümlədən, Rumıniyanın rəsmi mövqeyi birmənalıdır: Azərbaycanın beynəlxalq tanınmış sərhədləri çərçivəsində suverenliyi, ərazi bütövlüyü və münaqişənin BMT Təhlükəsizlik Şurasının dörd qətnaməsi əsasında həlli dəstəklənir. Dağlıq Qarabağın azad olunmasına gəldikdə isə, beynəlxalq səviyyədə tanınmış sərhədləri daxilində ərazi bütövlüyünü və suverenliyini bərpa etmək Azərbaycanın şəksiz hüququdur. Bu, BMT Nizamnaməsinin bizə verdiyi hüquqdur”, - o bildirib.
Tyudor deyib ki, Azərbaycan Qarabağı azad edərsə, işğalçı dövlət olacaq:
"Siz deyirsiniz ki, Qarabağ sizindir. Amma o ərazilər hazırda Ermənistanın nəzarətindədir. Əgər siz Qarabağı işğaldan azad etsəniz, onda işğalçı kimi tanınacaqsınız, işğalçı kimi qəbul ediləcəksiniz”.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Siyasət 19:41
Ərdoğan Əliyevi Ankarada keçiriləcək Türk Dövlətləri Təşkilatının zirvə görüşünə dəvət edib
Foto
Video
