Avropa Məhkəməsi İlqar Məmmədovla bağlı qərar çıxardı
29.05.2019 16:07
Avropa Məhkəməsinin Böyük Palatası mayın 29-da Azərbaycanla bağlı qərar verib. Qərar Avropa Şurası Nazirlər Komitəsinin müraciəti əsasında verilib.
Anews.az xəbər verir ki, Nazirlər Komitəsi Avropa Məhkəməsinin "Respublikaçı Alternativ” (ReAl) partiyasının sədri İlqar Məmmədov haqqında çıxardığı 22 may 2014-cü il tarixli qərarla əlaqədar müraciət edib. Həmin qərar 2014-cü ilin oktyabrında qüvvəyə minib. Nazirlər Komitəsi isə bu məsələ ilə əlaqədar 2017-ci ilin dekabrında Avropa Məhkəməsinə məktub göndərib. Məktubda da sual qoyulub ki, Azərbaycan bu qərarı icra etməməklə Avropa Şurası qarşısında üzərinə götürdüyü öhdəliyi (Avropa Məhkəməsinin qərarlarının icrası barədə) pozubmu? İlqar Məmmədovla bağlı qərarın icra olunmaması İnsan Haqları və Əsas Azadlıqların Müdafiəsinə dair Avropa Konvensiyasının 46.1 maddəsinin pozulması anlamına gəlirmi?
Avropa Məhkəməsinin bu qərarının icrasıyla bağlı məsələ dəfələrlə Avropa Şurası Nazirlər Komitəsinin (Məhkəmənin qərarlarının icrasına bu qurum nəzarət edir) toplantılarında müzakirə olunmuş, son nəticədə 2017-ci ilin dekabrında belə bir məktub göndərilmişdi.
Avropa Məhkəməsi bugünkü qərarında belə nəticəyə gəlib ki, Avropa Şurası Nazirlər Komitəsi bu məsələ ilə əlaqədar onlara müraciət edəndə Azərbaycan hökuməti qərarı icra etməmişdi. Bununla da Konvensiyanın 46.1 maddəsini pozaraq, Avropa Şurası qarşısında öhdəliyinə əməl etməmişdi.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Siyasət 19:41
Ərdoğan Əliyevi Ankarada keçiriləcək Türk Dövlətləri Təşkilatının zirvə görüşünə dəvət edib
Foto
Video
