Deputat məmurlara səsləndi: “Biznes qurmaq istəyirsənsə, istefa ver”

Nə qədər ki, "məmur-oliqarx-biznes” söhbəti var, Azərbaycanda inhisarçılıq ləğv olunan deyil.
Oxu.Az-ın xəbərinə görə, bunu Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov "İctimai” televiziyada yayımlanan "Diqqət Mərkəzi-Yekun” verilişində deyib.
Deputat bizneslə məşğul olan məmurlar barədə danışıb.

"Əgər sən məmursansa, icra hakimiyyəti orqanında işləməlisən və ancaq maaş hesabına dolanmalısan. Əgər bizneslə məşğul olmaq istəyirsənsə, o zaman istefa ver və get biznesə”, - deyə V.Əhmədov əlavə edib.
V.Əhmədov bildirib ki, Milli Məclis 17 ildir Rəqabət Məcəlləsini qəbul edib başa çatdıra bilmir.
Deputat məmurların gəlir deklarasiyası verməsinin vacibliyinə də toxunub. V.Əhmədov əlavə edib ki, məmurların çoxu öz biznesini dövlət pulları hesabına qurublar.
"Prezident Nazirlər Kabinetinə göstəriş verib ki, normativ sənəd hazırlansın... Amma 10 ildir ki, müvafiq normativ sənədlər hazırlanmır. Heç bir məmur öz gəlirləri barədə bəyannamə dərc eləmir. Çünki bu bəyannamə ortaya çıxsa, məmurdan soruşarlar: Sən öz biznesin üçün bu qədər pulu haradan almısan?
 Komitə üzvü deyib ki, ona görə də bəyannamələr haqda məsələ həllini tapmalıdır.
Sahibkarları məcbur edirlər ki, malları ancaq bu bazarlardan alsınlar. Onlar kəndə gedib məhsulu birbaşa kəndlidən ala bilmir. Əgər fermer öz məhsulunu bazara birbaşa çıxara bilsə, o zaman qiymətlər xeyli aşağı düşər”.

www.anews.az