“Azərbaycanda iqtisadi artım gələn il də davam edəcək” - OQTAY ƏSƏDOV

Anews.az xəbər verir ki, iclasa Oqtay Əsədov sədrlik edir və iclasın gündəliyinə 11 məsələ daxildir.
Oqtay Əsədov ölkədə aparılan iqtisadi islahatlara da münasibət bildirib: "Xüsusilə gömrük və vergi sahələrində ciddi islahatlar aparıldı. Təsədüfi deyil ki, Azərbaycan islahat aparılan ölkələr siyahısında ilk yerləri tutur. Ötən 9 ayda ÜDM 2.5 faiz artıb. Burada diqqətçəkən məqam qeyri-neft sektorunda olan artımdır. Ölkəmizin valyuta ehtiyatları artıb və vəsaitlərin böyük hissəsi qeyri-neft sektoruna yatırılıb. Əhalinin gəlirləri artıb, inflyasiya isə azalaraq 2.6 faiz civarında qərarlaşıb. Gələn il də iqtisadi göstəricilərin artacağı gözlənilir. Bunun nəticəsində ÜDM-də qeyri-neft sektorunun payı 70 faizə qədər yüksələcək”.
Qeyd edək ki, iclasda Baş nazir Əli Əsədov iştirak edir.

www.anews.az