Deputat: Azərbaycanda bələdiyyələrin səlahiyyətləri ən aşağı səviyyədədir

Trend-in məlumatına görə, bunu Milli Məclisin deputatı Fazil Mustafa "Gender əsaslı Bələdiyyə Akademiyası”nın açılış mərasimində çıxışı zamanı deyib.
F.Mustafa qeyd edib ki, bu gün Azərbaycanda bələdiyyələrin maliyyə imkanları, büdcələri yetərli səviyyədə deyil. Onların reklam imkanları məhduddur.
F.Mustafa bildirib ki, Azərbaycanda kifayət qədər fəal qadın olsa da, onlar cəmiyyət həyatı üçün öz qabiliyyətlərini sərf edə bilmirlər.
Deputat deyib ki, bu gün Milli Məclisdə qadınların təmsil olunma göstəricisi 14 faizdir. Bunu olduqca aşağı göstərici sayan F.Mustafa vurğulayıb ki, qadınlar idarəetmədə kvota əsasında təmsil olunmamalıdır.

www.anews.az