Erməni hakerlər Azərbaycan saytlarına hücumlar edir

“APA Holding” MMC-yə daxil olan qurumların saytları erməni hakerlərinin hücumuna məruz qalıb.APA-nın məlumatına görə, erməni hakerlər tərəfindən bu gün saat 10.00-dan etibarən açıq ip ünvanlarından “APA Holding”-in saytlarına və müdafiə qurğu arxasında olan avadanlıqlara daim və kəsilməyən DDoS hücumlar başlayıb. Hücumun maksimal qeydə alınmış həcmi 25 Gbit/s təşkil edir (~=200 000 kbp/s). Həmin ip-lərin əksəriyyəti Ermənistan və Rusiya telecom şirkətlərinə məxsusdur. Haker hücumları nəticəsində “APA Holding”-ə daxil olan qurumların saytlarının fəaliyyətində ciddi problemlər yaranıb. Bununla belə, holdinqin İT mütəxəssisləri hücumların qarşısının alınması, saytların normal iş rejimində fəaliyyətini davam etdirməsi üçün lazımi tədbirlər həyata keçirirlər. ANN.Az