Polis deputatlığa namizədləri saxlayıb

Fevralın 11-də 33 saylı Xətai Birinci Seçki Dairəsindən bir qrup deputatlığa namizəd dairə seçki komissiyası qarşısında toplaşaraq, seçkilərin saxtalaşdırılmasına etiraz edib.

Deputatlığa namizədlər Zəlimxan Məmmədli, Ruslan İzzətli, Azad Məmmədli və Nüşabə Sadıqlı öz müraciətlərini jurnalistlərə oxuyublar.

 

Amma polis əməkdaşları onlara mane olaraq, namizədləri "ictimai asayişi pozmamağa" çağırıb və dağılmağı tələb edib.

Buna cavab olaraq İzzətli namizədlərin toxunulmazlıqları olduğunu bildirərək, bəyanatı oxumağa davam edib.