"Həbs edilən icra başçıları YAP-dan çıxarılıb" - Deputat

"Barələrində həbs-qətimkan tədbiri seçilmiş icra başçıları vəzifədən azad edildikləri kimi "Yeni Azərbaycan" Partiyasının sıralarından da çıxarılıblar”.

 xəbər verir ki, bunu Musavat.com-a açıqlamasında "Yeni Azərbaycan" Partiyası (YAP) İcra Katibliyinin Siyasi təhlil və proqnozlaşdırma şöbəsinin müdiri, deputat Aydın Mirzəzadə deyib.

"Onlara qarşı irəli sürülmüş ittihamlar onu göstərir ki, həmin şəxsləri məhkəmə gözləyir. Bir mənalı olaraq cinayət məsuliyyətinə cəlb edilən şəxslər Yeni Azərbaycan Partiyasının sıralarından azad olunurlar. Partiya dərhal onlarla yolunu ayırır” - deyə Aydın Mirzəzadə qeyd edib.

Aydın Mirzəzadə onu da əlavə edib ki, işdən çıxarılan icra başçıları isə YAP sıralarından uzaqlaşdırılmır: "Bunu bir-birindən ayırmaq lazımdır. Sadəcə cinayət məsuliyyətinə cəlb edilənlər YAP sıralarından çıxarılır. Vəzifədən çıxarılan, vəzifəsi dəyişənlər partiyadan çıxarılmır”.