Azərbaycanın keçmiş baş nazirindən açıqlama- “Ona dedim ki, səni güllələyərəm”

"1992-ci il mayın 5-də biz artıq bilirdik ki, Şuşa işğal olunacaq. Amma müdaifə naziri Rəhim Qazıyevin çox ümidlə dediyi "Şuşa getməyəcək, Şuşa getsə başıma bir güllə vuracağam” sözləri bizi bunun baş tutmayacağına əmin etmişdi. Bu sözü o Şuşada deyib”. 




Qaynarinfo xəbər verir ki, bu sözləri keçmiş baş nazir Surət Hüseynov dokumentalist-rejissor Laçın Məmişova müsahibəsində deyib.




Keçmiş baş nazir bildirib ki, Şuşa işğal olunduğu gün batalyon komandirləri onun yanına gələrək Rəhim Qazıyevin verdiyi vədi onların gözü qarşısında yerinə yetirməyi təələb ediblər. 




"Otaqda Millii Qəhrəman Şahin Tağıyev , Fred Asif, "Şaqan”, "Qatır” Məmməd və digərləri olub. Çox əsəbi idilər. Mənə dedilər ki, "Rəhim başına güllə vuracaqsa gəlsin bura, bizim yanımızda vursun”. Mən zəng vurdum Rəhim Qazıyevə.. Dedim, "Rəhim, komandirlər yığlılıb səni gözləyir, gəlin”, - deyə Surət Hüseynov vurğulayıb.




Keçmiş baş nazirin iddiasına görə, Rəhim Qazıyevin Rusiyanın müdafiə naziri Pavel Qraçovla görüşünə mane olub: "Rəhim mənə dedi ki, gedirəm Qraçovun yanına. Telefonda qəzəblə Rəhimə "Qraçov da belə-belə olsun. Qraçovun yanına getsən Bakıya qayıtma. Qayıtsan səni tutub burda biz güllələyəcəyik. Gəl bura sənə deyirəm. Bundan sonra Rəhim Qaziyev vertalyotla gəldi. Başladı günahı AXC-nin üstünə yıxmağa. Dedi ki, cəbhə batalyonların hamısını çıxartdı, hakimiyyətə gəlmək üçün getdilər Bakıya çevriliş eləməyə. Mən neyləməliydim? Dedim, a kişi, Şuşaya gələn yolu bağlamaq lazım idi. 20 nəfərlə bağlamaq olardı. Mən Şuşaya ZU-23-lər vermişdim. Şuşaya girən erməni tanklarını dəlik-deşik edərdi. O silahlardan istifadə olunmadı”.

www.anews.az