Ermənilərin atdığı mərmi Yuxarı Öysüzlü kənd sakininin həyətinə düşdü

Ermənistan silahlı qüvvələri bölmələri Tovuz rayonunun yaşayış məntəqələrinə və bölmələrimizin mövqelərinə iriçaplı silahlardan və artilleriya qurğularından istifadə etməklə atəş açarkən mərmilərdən biri  Yuxarı Öysüzlü kəndində Raqif Qasımovun həyətinə düşüb.

"Report”un bölgə müxbiri verir ki, zərbənin gücündən R.Qasımova məxsus evin şüşələri sınıb.

Ev sahibi "Report”a açıqlamasında bildirib ki, hadisə zamanı xoşbəxtlikdən xəsarət alan olmayıb.

"Həmin vaxt uşaq həyədə oynayırdı”, - o, əlavə edib.