ABŞ-dakı erməni lobbisi Azərbaycana hərbi yardım ayrılmamasına çalışır

Amerikadakı Azərbaycan icmasının fəalı doktor Vüqar Şahbazlı "Report"un xüsusi müxbirinə açıqlamasında ABŞ-da yaşayan azərbaycanlıların səyləri nəticəsində senatorların fikirlərində uğurlu dəyişikliyin olacağı ümidindədir: "Senatorların Azərbaycan əleyhinə qəbul edəcəyi hər hansı mənfi qərar ABŞ-ın maraqlarına da zidd ola bilər. ABŞ Konqresinin Nümayəndələr palatasında təmsil olunan ermənipərəst konqresmenlər Azərbaycana ayrılacaq hərbi yardımın dondurulması üçün düzəlişlər təklif ediblər. Biz günlərdir bunun üzərində işləyirik və uğurlu nəticələr alacağımızı düşünürük. Belə ki, təklifə konqresmenlərin "yox” deməsi üçün petisiya yaratmışıq. Həmin sənəddə Azərbaycan reallıqları, Dağlıq Qarabağ və Ermənistanın Tovuz rayonunda sərhəddə törətdiyi hərbi təxribatlar haqqında məlumatlar yer alıb. Bu sənədləri imzalamaqla konqresmenlərdə fikir dəyişikliyi yaratmaq öz əlimizdədir. ABŞ-da keçirilən mitinqdə ermənilərə layiqli cavabı vermişik, sabah isə növbəti qələbəmizi Konqresdə qazanacağıq”.

www.anews.az