"Biz virusu öyrənməyə çalışdıqca o da bizi öyrənir" - ÜST-dən AÇIQLAMA

Ümumdünya Səhiyyə Təşkilatı (ÜST) yeni növ koronavirusun qripə səbəb olan qrip virusları kimi mövsümi olmadığını və isti havalarda da təsirini göstərdiyini bildirib.

Anews.az xarici mətbuata istinadən xəbər verir ki, bu barədə ÜST-ün sözcüsü Marqaret Harris təşkil etdiyi onlayn mətbuat konfransında məlumat verib. Onun sözlərinə görə, tənəffüs yollarına təsir edən virusların ümumiyyətlə mövsümi olduğunu, ancaq yeni tip koronavirusun bundan fərqləndiyini bildirib. Harris, COVID-19-un hər mövsümü sevdiyini və ötürücülük xarakteri daşıdığını vurğulayıb.

İstər hazırda yay fəslinin yaşandığı ABŞ-ın, istər tropik qurşaqlarda yerləşən Braziliya və Filippin kimi ölkələrin də pandemiya mərkəzinə çevrilməsinin buna nümunə olduğunu bildirib:

"Bu qismi artıb-azalmalarla müşahidə edilən dalğadır. Əlimizdən gələn ən yaxşı şey, pandemiyanı kifayət qədər nəzarətdə saxlamaq və artımın qarşısını almaqdır. Hazırda birinci, ikinci və ya üçüncü dalğa kimi ifadələri işlətməyin mənası yoxdur".

İnsanların tətbiq olunan qaydalara riayət etmədiyini, virusun da əsasən insanların sıx olduğu yerlərdə yayıldığını deyən sözcü, həmçinin onu da vurğulayıb ki, biz virusu öyrənməyə çalışdıqca o da bizi öyrənir, ehtiyatlı olmaq lazımdır.