Rus hərbi gəmilərinin Bakıya gəlməsi təsadüf idimi?

Politoloq Nazim Cəfərsoy bu oyunların keçirilmə tarixinin təlimlərdən daha əvvəl müəyyən edildiyini deyib:

"2015-ci ildən Rusiyanın təşəbbüskarlığı ilə Beynəlxalq ordu oyunları keçirilməyə başlanıb. Bu orduların olimpiya oyunları mahiyyətindədir. Biz də bu oyunlarda 5 ildir ki, iştirak edirik. Təşkilatçısı Rusiya olan bu oyunlara hər il daha çox ölkə qoşulur. Bu oyunlar müxtəlif hərbi sahələri əhatə edir: tanklar, artilleriya, səhra mətbəxi, dəniz və başqaları. Artıq illərdir ki, dəniz kuboku Azərbaycanda keçirilir. Bu oyunlar hər il Avqust ayında keçirilir. Oyunların keçirilmə tarixi bir il öncədən müəyyənləşir. Bu baxımdan türklər təlim keçdikdən sonra ruslar da öz gəmilərini gətirdilər kimi yanaşmaq doğru olmaz. Əgər diqqətlə medianı izləsək birazdan Qazaxıstan, İran gəmilərinin də Bakıya daxil olduğunu görəcəyik. Əbəttə siyasi baxımdan baxdıqda görmək olar ki, Rusiyanın bu oyunları keçirməkdə məqsədi Xəzərdə hakim güc olduğunu göstərməkdir".

 

"Tovuzda baş verən insidentdən sonra Rusiya tonlarla silah və texnikanı Ermənistana daşıyıb. Bu hadisədən sonra Bakıda Rusiya gəmisinin lövbər salması, bununla yanaşı Azərbaycanın Xəzərdə Rusiya ilə birlikdə hansısa hərbi oyunda iştirak etməsi doğru deyil. Bundan imtina etmək lazım idi. İlham Əliyev öz həmkarı V. Putinə Ermənistana yardım etməsi ilə bağlı kəskin etiraz etməsindən sonra Rusiya hərbi gəmilərinin Bakıda lövbər salmasına icazə vermək olmazdı. Təəssüf ki, sərt üzümüzü bu baxımdan göstərmədik".