"Ermənistana, ermənilərə havadarlıq edənlərin hamısı günahkardır" - Deputat

"4 iyun tarixində yenə qanlı erməni cinayətkarlığının şahidi olduq. Kəlbəcər rayonunun Susuzluq kəndində öz peşə fəaliyyətlərini yerinə yetirərkən iki media təmsilçimiz - AzTV-nin operatoru Sirac Abışov, əslən elə Kəlbəcərdən olan AZƏRTAC-ın müxbiri Məhərrəmov İbrahimov və Susuzluq kənd icra nümayəndəsinin müavini Arif Əliyev mina partlaması nəticəsində həyatlarını itirdilər, şəhid oldular".


Onun sözlərinə görə, bu acı xəbər nəinki həmin ailələri, bütövlükdə hər birimizi, xalqımızı dərin kədərə bürüdü.


"Ötən həftə yenə dünyanın gözləri qarşısında qanlı erməni terrorizmi, vandalizmi baş verdi.
Ancaq buna görə, tək ermənilər və Ermənistan günahkar deyil, buna görə, həm də Ermənistana, ermənilərə havadarlıq edənlər - şimalından tutmuş cənubunacan, şərqindən tutmuş qərbinəcən hər kəs günahkardır. Onların üzərində də bu tökülən qanların izi, ləkəsi var.
Çünki Vətən Müharibəsinin başa çatmasından 7 aya yaxın vaxt keçməsinə baxmayaraq, hələ də ermənilər və Ermənistan minalanmış ərazilərin xəritələrini Azərbaycana vermir,  bundan boyun qaçırırlar", - deputat qeyd edib.


Deputat əlavə edib ki, onlara dəstək olanlar da, elə Qərbdəkilər də, elə ATƏT-dəkilər də, elə həmsədrlik institutunda əyləşənlər də onlara "gözün üstə qaşın var" demir, erməniləri və Ermənistanı öz öhdəliklərinə sadiq qalmağa və bu öhdəlikləri yerinə yetirməyə məcbur və vadar etmirlər:


"Yenə də oyun oynayırlar, yenə də "bulanıq suda balıq sevdası”ndadırlar. Onlar ədalət, həqiqət, sülh, təhlükəsizlik tərəfdarı olsaydılar, çoxdan erməniləri və Ermənistanı buna məcbur, vadar edərdilər. Elə ona görə 4 iyundakı faciə, qanlı olay da daxil olmaqla, baş verən bütün hadisələrdə hər biri ermənilər və Ermənistan qədər məsuliyyətli və günahkardır.
Bəli, ermənilər və Ermənistan Susuzluq qanlı olayı ilə bağlı bir daha öz çirkin, murdar iç üzünü açmış, ifşa etmiş oldu. Bir daha göstərmiş, nümayiş etdirmiş oldular ki, canidirlər, cinayətkardırlar və canları yenə "Dəmir Yumruq” istəyir.


Bəli, "Dəmir Yumruq” yenə yerində, yenə də öz əzəmətindədir və hər an işə düşə və ermənilərin, Ermənistanın, onların qanlı dəstəkçilərinin başına endirilə bilər. Əgər bunu istəmirlərsə, o zaman minalanmış ərazilərin xəritələrini təcili Azərbaycana təhvil verməli, müharibədən sonra müharibə cinayətinə son verilməlidir".

www.anews.az