Ermənistandakı seçkidən sonra Azərbaycanın tələbləri daha sərt olacaq

İyunun 11-də saat 13.45-dən başlayaraq Vardenis rayonunun Yuxarı Şorca yaşayış məntəqəsi ərazisindəki Ermənistan silahlı qüvvələri mövqelərindən Kəlbəcər rayonu istiqamətində yerləşən Azərbaycan Ordusunun mövqeləri atıcı silahlardan mütəmadi olaraq atəşə tutulub.

Müdafiə Nazirliyi bildirib ki, atəş nəticəsində Azərbaycan Ordusunun şəxsi heyəti arasında həlak olan və yaralanan yoxdur.
Hərbi ekspert, ehtiyatda olan polkovnik Şair Ramaldanov Modern.az-a deyib ki, bu, düşmənin  seçkiqabağı oyunudur:

"Onların atəşkəsi pozmağında təəccüblü heç nə yoxdu. Hazırda qalib ölkə Azərbaycan dövlət sərhəddini qurur, Ermənistan isə seçkilər yaxınlaşdığı üçün arada gərginlik yaratmağa çalışır. Bilirdik ki, bizi sərhəddə sakit həyat gözləmir. Bunun səbəbi isə Ermənistanın siyasi rəhbərliyi və cəmiyyətinin sülhə hazır olmamasıdı.
Ermənistanda seçkiqabağı ən aktual mövzu Azərbaycan mövzusudur. Ermənistan həmişə çalışıb ki, Minsk qrupunun üzvlərini bu prosesə cəlb etsin, Azərbaycana qarşı təzyiqlərə nail olsunr”.

Ş.Ramaldanovun fikrincə, seçkilərə qədər sərhəddə gərginlik daha da arta bilər:

Düşünürəm ki, seçkilərə qədər sərhəddə gərginlik davam edəcək. Bəlkə də gərginlik daha da artacaq. Ermənistandan hakimiyyət tam formalaşandan sonra əlbəttə Azərbaycanın tələbləri daha sərt olacaq”.


www.anews.az