“Gürcüstanın baş nazirinə dedim ki, bu, sizin də xeyrinizədir”

"Ermənistan vətəndaşları Zəngəzur dəhlizindəki dəmiryolu ilə asanlıqla Moskvaya gedə biləcəklər. Beləliklə, blokadadan çıxacaqlar”. 

Anews.az xəbər verir ki, bunu Türkiyə Prezidenti Rəcəb Tayyib Ərdoğan Milli Məclisdəki çıxışında deyib. 

O qeyd edib ki, Prezident İlham Əliyevlə birgə 6 ölkə platformasını qurmağı təklif ediblər: "Bölgədə sabitlik yaransın və düşmənliklər ortadan qalxsın. Burada Gürcüstanın özünəməxsus sualları var idi. Onların baş nazirinə dedim ki, bu, sizin də xeyrinizə olacaq. Bildirdim ki, bununla həm azərbaycanlı qardaşlarımızın sıxıntıları gedəcək, həm də sizin Rusiya ilə olan sıxıntılarınızın da aradan qalxmasına vəsilə olacaq. Türkiyə sərhədlərinin açılmasının Ermənistana verəcəyi fayda bitməz”.

www.anews.az