Arutyunyan və Şoyqu sərhəd nizamlanmasını müzakirə edib

Ermənistanın müdafiə naziri vəzifəsini icra edən Vaqarşak Arutyunyan rusiyalı həmkarı Sergey Şoyqu ilə Sünik (Zəngəzur- red.) və Qeqarkunikdəki vəziyyəti, həmçinin sərhəddəki vəziyyətin nizamlanması yollarını müzakirə edib.

Manset.az  xəbər verir ki, bu barədə Ermənistan Müdafiə Nazirliyinin mətbuat xidməti məlumat yayıb.

Şoyqu Arutyunyanı ölkədə keçirilən parlament seçkiləri və hakim komandanın qələbəsi münasibətilə təbrik edib.

Ermənistan və Rusiya müdafiə nazirliklərinin rəhbərləri hərbi sahədə ikitərəfli əməkdaşlığın dinamik inkişafından məmnunluqlarını ifadə ediblər, bu sahədə nəzərdə tutulan proqramların vaxtında və tam icrasının vacibliyini vurğulayıblar.