Deputatdan nazirliyə: Diqqətdə saxlanılmalıdır

Milli Məclisin deputatı Aydın Mirzəzadə parlamentin bu gün keçirilən növbədənkənar sessiyasında tələbə kreditləri verilməsi ilə bağlı yaradılan Tələbə Kredit Fondunun əhəmiyyətini dilə gətirib.


Anews.az xəbər verir ki, tələbələrə veriləcək kreditinin əhəmiyyətini qeyd edib qeyd edən deputat bunları deyib:


"182 min doktorant var. Hesab edirəm ki, bu məsələ problemi həll edəcək. Düşünürəm ki, balı yüksək olanlara çox, maddi imkanı aşağı olanlara kömək etmək lazımdır. Təhsil Nazirliyinin bu məsələni diqqətdə saxlamasını xahiş edirəm".


Aydın Mirzəzadə hərbi xidmətə getdiyinə görə, sonradan təhsil ala bilməyən gənclərdən söz açıb:


"Bir çox gənclər hərbi xidmətdən qayıtdıqdan sonra təhsillərini davam etdirə bilmirlər. Tələbə təhsil kredit fondu ilk növbədə onlara imkan yaratmalıdır. Halbuki həmin gənclər gələcəkdə yaxşı mütəxəssis, dövlət işçiləri ola bilər"

www.anews.az