Azərbaycan Ermənistandan mina xəritələrini tələb edir

Azərbaycina xəritələrini verməsi üçün Ermənistana müraciət edib, bu barədə Prezidentin köməkçisi, Prezident Administrasiyası xarici siyasət məsələləri şöbəsinin müdiri Hikmət Hacıyevin "The Washington Times” nəşrində dərc olunan Ermənistan və Azərbaycan arasında əməkdaşlıq və sülh perspektivlərinə həsr edilmiş məqaləsində bildirib. 

 

"Noyabr ayında hərbi əməliyyatlar dayandırıldıqdan sonra Azərbaycan öz ərazisində tutduğu 15 ermənini təhvil verdi. Bunun qarşılığında isə Ermənistan təmizləmə əməliyyatlarına kömək edəcək mina xəritələrini təqdim etdi. Azərbaycan Ermənistan hökumətinə onlarda olan xəritələrin sayını açıqlaması üçün müraciət edib.”, - deyə o, yazıb. 

 

"Bu diplomatik irəliləyişə əsaslanmalı və qarşıdurmanı əməkdaşlığa çevirməliyik. Çünki bizi çox iş gözləyir.  Azərbaycanlılar artıq bu torpaqlara qədəm basa bildikləri üçün yerli mətbuatda insan faciəsi haqqında məlumatlar mütəmadi olaraq yayımlanır. 30 illik sürgündən sonra evlərinin qalıqlarını görmək istəyən 140 mülki vətəndaş ölüb. Ən son olaraq, iki jurnalist geri çəkilən erməni qüvvələrinin yerləşdirdiyi tank əleyhinə minaya düşmə nəticəsində həlak oldu”, - o, əlavə edib.

Hacıyev vurğulayıb ki, belə hadisələr sülhə əngəl törədir.