Dövlət adamının həyatına sui-qəsdə görə cəzanın müddəti artırılır

Azərbaycanda dövlət və ya ictimai xadimin həyatına sui-qəsd etmə (terror aktı) ilə bağlı cəzalar sərtləşdirilir, cəza müddəti 20 ilə qədər artırılır.Milli Məclisdən APA-ya verilən məlumata görə, Azərbaycan Prezidenti tərəfindən bununla bağlı Cinayət Məcəlləsinin 277-ci maddəsinə dəyişiklik təklif edilir.Dəyişikliyə əsasən, dövlət xadiminin və ya ictimai xadimin, habelə xarici dövlət nümayəndəsinin xidməti və ya siyasi fəaliyyətinə son qoymaq və ya bu fəaliyyətə görə qisas almaq məqsədi ilə onun həyatına sui-qəsd etmə (terror aktı) 14 ildən 20 ilə qədər azadlıqdan məhrum etmə ilə cəzalandırılacaq.Hazırda bu cəza 10 ildən 15 ilə qədərdir.Layihə Milli Məclisin plenar iclasına tövsiyə olunub və mayın 30-da müzakirəyə çıxarılacaq. ANN.Az