Mövlud Çavuşoğlu Əfqanıstanda yaşayan türkiyəli vətəndaşlarla bağlı məlumat yayıb

Türkiyənin XİN başçısı Mövlud Çavuşoğlu Əfqanıstandakı son vəziyyəti dəyərləndirib.

Anews.az "TRT Haber”ə istinadən xəbər verir ki, nazir Türkiyənin "Taliban”la təmaslarından danışıb.

"Hazırda "Taliban”la müxtəlif kanallarla əlaqə saxlayırıq. Həm Kabildə, həm də Dohada təmaslarımız var. İndi bunun olması da lazımdır. Qruplaşma Kabilə girmədən əvvəl siyasi qanadı Türkiyəyə dəvət etmişdik. Bilirsiniz ki, hava limanı ilə bağlı fikir ayrılıqları var idi. Əfqanıstanda təqribən 1 500 vətəndaşımız var. Təxliyə işləri davam edir, amma onların hamısı qayıtmaq istəmir. Fikrini dəyişənlər var”, - Çavuşoğlu deyib.