İran tırları niyə Gorus-Qafan yolundan keçə bilmir?-VİDEO+RƏSMİ AÇIQLAMA

İrandan Ermənistana yük və neft məhsulları daşıyan tırlar Gorus-Qafan yolunda ilişib qalıb. 

 

Tır sürücülərindən biri Azadlıq radiosunun Ermənistan bürosuna məsələ ilə bağlı müsahibə verib:

"Ermənistana girdiyimiz zaman gömrükdə 185 min dram Ermənistan pulu ödəmişik. İndi isə Azərbaycan da pul tələb edir. Neft məhsullarını Ermənistana gətirmişik, amma Azərbaycan bizdən pul istəyir. Bu tankerdir, təhlükəlidir. Beş gündür yolda ilişib qalmışıq. Nə yemək yeyə bilirik, nə də dincələ bilirik. Bütün şoferlər bu yolda əsir qalıb".

 

Məsələ ilə bağlı Azərbaycan Respublikasının Dövlət Gömrük Komitəsindən bildirilib ki, avtonəqliyyat vasitələri yol vergisinə, "Dövlət rüsumu haqqında” Azərbaycan Respublikasının Qanununun 24-cü maddəsinə əsasən Azərbaycan Respublikası ərazisində beynəlxalq avtomobil daşımalarını tənzimləyən icazənin verilməsi üçün dövlət rüsumuna  cəlb edilir:

 

Hazırda gömrük orqanları tərəfindən qanunvericilikdə bu istiqamətdə nəzərdə tutulan müddəaların yerinə yetirilməsi bütün ölkə ərazisi üzrə təmin olunur",-deyə qurumun sözçüsü əlavə edib.

 

İkinci Qarabağ müharibəsindən sonra Gorus-Qafan yolunun 21 kilometrlik hissəsi Azərbaycanın nəzarəti altına keçib.