Son 8 ayda neçə nəfər minada həlak olub?-Nazir açıqladı

Bunu nazir Ceyhun Bayramov  Azərbaycan Respublikası və Çex Respublikası xarici işlər nazirlərinin birgə mətbuat konfransında deyib.

 

Nazir bildirdi ki, Azərbaycan üçtərəfli bəyanətin şərtlərinə riayət etsə də, Ermənistan tərəfi düzgün olmayan addımlar atır. Bunlardan biri də məhz mina xəritələrinin verilməməsidir. 8 ay ərzində 2 dəfə - iyun və iyulda xəritələr təqdim olunub ki, həmin xəritələr də natamam formada olub.

XİN rəhbəri 44 günlük müharibə nəticəsində Azərbaycanın qələbəsi ilə tamamlanmış əks-hücum əməliyyatlarının başlanmasından 1 il ötdüyünü xatırladıb.

"Müharibənin başa çatmasından sonra 10 aydan çox müddətdir Azərbaycan ötən ilin noyabr ayında əldə olunmuş üçtərəfli razılaşmalar çərçivəsində müvafiq danışıqlar aparır. Lakin Ermənistan hələ əldə olunmuş razılaşmalara riayət etmir. Ermənistan tərəfi azad edilmiş ərazilərin mina sahələrinin bütün xəritələrini təqdim etməyib. Bu, dinc sakinlərin ölümünə, həmçinin bu ərazilərdə infrastrukturun bərpası və məcburi köçkünlərin geri qaytarılması prosesinin ləngiməsinə səbəb olur”, - XİN başçısı deyib.

Onun sözlərinə görə, razılaşmada da öz əksini tapmış nəqliyyat layihələrinin həyata keçirilməsi və kommunikasiyaların açılması da bu səbəbdən ləngiyir.
"Ermənistan konstruktiv əməkdaşlıq və ya qonşularla düşmən münasibətlər arasında seçim etməlidir”. – C.Bayramov vurğulayıb.

 

 

Ləman Qasımova