Ceyhun Bayramov İran XİN rəhbəri ilə telefonla danışdı

Azərbaycanın xarici işlər naziri Ceyhun Bayramov və İranın XİN rəhbəri Hüseyn Əmir Abdullahiyan arasında telefon danışığı olub.

Anews.az  xəbər verir ki, bu barədə İran XİN məlumat yayıb.

Müzakirə zamanı ölkələrin müstəqilliyinə, suverenliyinə və ərazi bütövlüyünə hörmətin vacibliyi vurğulanıb.

 

XİN-in açıqlamasında deyilir ki, Tehranla Bakının köklü əlaqələri var. Bundan başqa, iki ölkənin əlaqələrində anlaşılmazlıqların qarşısının alınmasının zəruriliyi qeyd olunub.

İran XİN rəhbəri əlavə edib ki, Tehran nəqliyyat tranzitində olan problemlərin tezliklə həll olunacağına ümidvardır.

Ceyhun Bayramov bildirib ki, İranla Azərbaycan dost münasibətindədir: "Dost ölkələrlə münasibətlər Azərbaycan Respublikası üçün prioritetdir”.

Azərbaycan xarici işlər naziri problemlərin dialoq yolu ilə, sakit və səmimi bir mühitdə həll edilməsinin zəruriliyini də qeyd edib.