Qarşı tərəf təşviş içində mövqelərini tərk edir - RƏSMİ

Ermənistan silahlı qüvvələri bölmələrinin əks-həmləsi Azərbaycan hərbçiləri  tərəfindən dəf edilib.

Bu barədə Müdafiə Nazirliyindən məlumat verilib.

"Qarşı tərəfin dövlət sərhədi boyunca istənilən döyüş aktivliyi bölmələrimiz tərəfindən izlənilir. Erməni hərbi qulluqçularının qorxu və təşviş içində mövqelərini tərk etməsi, şəxsi heyəti arasında çaxnaşma müşahidə edilir. Ermənistan silahlı qüvvələrinin sərhəd boyu cəmləşdirilən canlı qüvvəsi və hərbi texnikası hədəf altındadır. Qarşı tərəfə məxsus döyüş texnikası sıradan çıxarılıb. Əməliyyat taktiki üstünlük Azərbaycan Ordusunun bölmələri tərəfindədir. Bir daha bəyan edirik ki, sərhəddə baş verən gərginliyə görə Ermənistan hərbi-siyasi rəhbərliyi məsuliyyət daşıyır", - deyə məlumatda bildirilib. 

 

Ermənistan Müdafiə Nazirliyi də sərhəddəki vəziyyət barədə məlumat yayıb. Məlumata görə, Ermənistan tərəfindən ölən və yaralananlar var, sərhəddə vəziyyət son dərəcə ağır olaraq qalır. Sərhəddə strateji yüksəklikdə yerləşən iki mövqe itirilib.