"Helikopterdə kimlərin iştirak etməsini rəhbərlik müəyyən edir" - ÜZEYİR CƏFƏROV

"Dünyanın istənilən ölkəsində və ordusunda belə hadisələr olur. Bu gün baş verən hadisələrin səbəbi kimi sadəcə fərziyələr irəli sürə bilərik. Daha əvvəl o tip helikopterdə xidmət rəisi də uçub. Ötən həftələrin birində azad olunmuş zonalara jurnalistlər də həmin model helikopterlə gedib.Bir helikopterdə bu qədər ekipajın olması normaldır.Qanun sadəcə rəhbər heyyətin bir ekipajda getməsinə icazə vermir. Bu gün qəzada ölən ekipaj heyyəti ayrı-ayrı xidmətlərin komanda rəhbərləri olub və iş,təlim prosesində bu normal haldır. Hansısa irəli sürülən fikirlərə bənd olmaq olmaz.Daha dəqiq detallar ekspertiziyadan sonra açıqlanacaq. Təlim zamanı texniki nasazlıq olub və eniş zamanı belə bir hadisə yaşanıb.Bu cür helikopterlərdə təhlükəli hallar üçün də paraşütlər nəzərdə tutulmayıb. Dünyanın əksər ölkələrində bu model helikopterlərdə paraşüt olmur.Yalnız təlimdə paraşütçülərin iştirakı nəzərdə tutularsa mümkün olur. Qalan hallar üçün nəzərdə tutulmur”, - deyə polkovnik bildirib.

 

30 noyabr 2021-ci il Dövlət Sərhəd Xidmətinin hərbi helikopterinin Xızı rayonu ərazisində yerləşən "Qaraheybət” aviasiya poliqo­nunda təlim uçuşları zamanı qəzaya uğraması nəticəsində 14 zabit həlak olub, 2 nəfər yaralanıb. Faktla bağlı Baş Prokurorluğun İstintaq idarəsində Cinayət Məcəlləsinin 352.2 (uçuş və ya uçuşa hazırlıq qaydalarını pozma ehtiyatsızlıqdan iki və ya daha çox şəxsin ölümünə səbəb olduqda) və digər maddələri ilə cinayət işi başlanmış, cinayət işinin istintaqı Baş Prokuror tərəfindən xüsusi nəzarətə götürülüb.