Rusiya sülhməramlıları Qarabağda təhlükəsizliyi təmin edib

Rusiya sülhməramlı kontingentinin hərbi qulluqçuları Xocavənd rayonunda kənd təsərrüfatı işi görən işçilərin təhlükəsizliyini təmin ediblər, bu barədə Rusiya Müdafiə Nazirliyi məlumat yayıb.

 

Həftə ərzində Rusiya sülhməramlı kontingentinin hərbi qulluqçularının köməyi ilə işçilər Xocavənd rayonunda 40 hektardan çox əkin sahəsinə müxtəlif sort toxumlar səpiblər.

 

Qarabağın ucqar ərazilərində təhlükəsizliyin təmin edilməsi üzrə tapşırıqların yerinə yetirilməsi üçün qrafik tərtib edilir ki, ona əsasən, Rusiya sülhməramlı kontingentinin Xankəndi şəhərində ictimai qəbulu vasitəsilə sülhməramlılar tərəfindən daxil olan müraciətlər işlənir.

 

"Humanitar Cavab Mərkəzi Xocavənd rayonunda kənd təsərrüfatı işlərinin təhlükəsizliyini təmin etmək üçün tədbirlər görür. Kənd təsərrüfatı təyinatlı torpaqlar tərəflərin demarkasiya xəttinə yaxın yerləşdiyi üçün rayon rəhbərliyi işin təhlükəsizliyini təmin etmək üçün Rusiya sülhməramlı kontingentinin komandanlığından xahiş edib. Hazırda 40 hektar ərazi işlənilib", - deyə Rusiya sülhməramlı kontingentinin nümayəndəsi Sergey Qapeyev bildirib.

 

Rusiya Humanitar Cavab Mərkəzinin mütəxəssisləri kənd təsərrüfatı, mühəndislik və profilaktik işlər zamanı, eləcə də zəvvarların Dağlıq Qarabağda demarkasiya xəttinə yaxın yerləşən monastır komplekslərini ziyarət edərkən mülki şəxslər də daxil olmaqla, regionda təhlükəsizliyin təmin edilməsi üçün müxtəlif tapşırıqları yerinə yetirirlər. 

 

"Biz Rusiya sülhməramlılarına kömək etdiklərinə, bizi qoruduqlarına, işimizi görməyə kömək etdiklərinə görə, çox minnətdarıq. Biz yaxşı gələcək gözləyirik", - bunu Rusiya sülhməramlılarının müvəqqəti yerləşildiyi Azərbaycan Respublikasının ərazisi olan Xocavənd rayonu sakini traktorçu Erik Gevorqyan deyib.