ABŞ-da Dağlıq Qarabağ münaqişəsindən danışdılar

ABŞ-Azərbaycan Konvensiyası yekunlaşıb.  ABŞ-Azərbaycan Konvensiyasi 2 ölkə arasında mühüm əməkdaslıq sahələrində - siyasi, iqtisadi, humanitar, təhlükəsizlik sahələrində səmimi muzakirəsi uçun imkan yaradıb. 

Tədbir Azərbaycan həqiqətlərinin, xüsusilə də Dağlıq Qarabağ münaqişəsi ilə bağlı Azərbaycanın mövqeyinin ABŞ-ın siyasi, ictimai dairələrinə çatdırılması üçün mötəbər platforma olub. 

Qafqazın Şeyxi Allahşükür Paşazadə: 

“Qafqaz regionunun həllini tapmayan problemlərindən biri də Azərbaycanın 20 ildən bəri üzləşdiyi, ərazisinin 20 faizinin erməni qəsbkarları tərəfindən işğal olunması və 1 milyon insanımızın etnik təmizləmə siyasətinə məruz qaldığı Qarabağ munaqişəsidir. İşğal olunmus ərazilərimizdə musəlman, xristian və yəhudi dini abidələri dağıdılıb. Bu isə dinlərarası qarşıdurma təhlukəsinə yol aça bilər”.

Konvensiyanin işində çıxış edən amerikali qonaqlar Azərbaycan-ABŞ əlaqələrinin Ukrayna hadisələri fonunda əhəmiyyətinin daha da artdığını vurğuladılar.

Texas senatının nümayəndəsi Dennis Kec: 

“Azərbaycan ABŞ üçün strateji əhəmiyyətə malikdir. ABŞ heç şubhəsiz ki, Azərbaycanın gözəl partnyorudur. Biz basa düşürük ki, Azərbaycanın yerləşdiyi yer dunyanın çətin bölgələrindəndir. Bizim möhkəm ikitərəfli əlaqələrə malik olmağımız hər iki ölkə üçün vacibdir, belə ki, bölgədə və dunyada sülh və sabitliyə xidmət edir. Mənim 2 il əvvəl ABŞ-dan olan siyasətçilərlə birgə Azərbaycana səfər etmək imkanım olub. Bu, sözün əsl mənasında gözləri açan bir səfər oldu”.

Tədbirdə çıxış edən ABS-ın Azərbaycandakı səfiri Riçard Morninqstar ikitərəfli əlaqələrdə yaranan böhranlı məqamlara da toxundu. Amerika səfiri Ukraynada vəziyyətin, eləcə də Dağlıq Qarabağ münaqişəsinin həllinin vacibliyini göstərdiyini deyərək, Azərbaycan və Ermənistan prezidentlərinin münaqişənin nizamlanması məqsədilə konkret addımların atılması üçün birgə işləməli olduğunu və bunun Rusiyanın tam əməkdaşlığı olmadan çətin olacağını bildirdi.

Çıxış eden Konvensiya uzvləri yerləşdiyi çətin qonşuluqda Azərbaycanın strateji partnyor rolundan razılıq ifadə etdilər. 

Beləliklə, sayca 3-cu olan Azərbaycan-ABŞ Konvensiyasi ölkənin regionda artmaqda olan nüfuzunun daha bir göstəricisi oldu.

ANS PRESS