Ərdoğan Türkiyə-Ermənistan münasibətlərinin normallaşmasından danışıb

Türkiyə Prezidenti Rəcəb Tayyib Ərdoğan Ermənistanla münasibətlərin normallaşdırılması prosesini şərh edib.


 "Anadolu” xəbər verir ki, bu barədə dövlət başçısı Afrika turnesindən qayıdan zaman danışıb.


"Ermənistan xüsusi nümayəndələrin təyin edilməsi ilə başlayan prosesi davam etdirməkdə qətiyyətli olarsa, biz sərhədləri qapalı saxlamarıq”, - Prezident vurğulayıb.


Onun sözlərinə görə, Almaniya Prezident Frank-Valter Ştaynmayerlə Seneqalda keçirdiyi görüşdə də bu mövzu gündəmdə olub: "Bilirsiniz, mən onsuz da Ermənistanın atacağı müsbət addımlara eyni şəkildə qarşılıq verəcəyimizi söyləmişdim. Bu bölgənin sülh, sabitlik və rifaha ehtiyacı var. Bu anlayışla ölkəmiz ilə Ermənistan arasında da normallaşma prosesi başlatmaq üçün səmimi cəhdlər edirik.


Azərbaycan Prezidenti İlham Əliyev qardaşım da bunu faydalı hesab edir. Ermənistanın bizimlə normallaşma prosesində nümayiş etdiyi iradədən məmnunuq. Bu prosesi davam etmək üçün qarşılıqlı olaraq xüsusi nümayəndələr təyin etdik və yanvarın 14-də Moskvada ilk görüş keçirildi. Fevralın 24-də də Vyanada görüşəcəklər. Ermənistanın sərhədlərin açılması və diplomatik münasibətlərin qurulması məsələsində konkret gözlənləri olduğunu bilirik”.

www.anews.az