Ermənistan Azərbayanla sülh danışıqlarına başlaya bilər

Ermənistan Azərbaycanla sülh danışıqlarına başlamaq üçün ATƏT-in Minsk qrupuna müraciət etmək imkanını müzakirə edir, bu barədə  Ermənistan Xarici İşlər Nazirliyinin mətbuat katibi Vaan Hunanyan bildirib.


"Sülh sazişinin imzalanmasından əvvəl, əlbəttə ki, bu mövzuda danışıqlar prosesi aparılmalıdır və qarşılıqlı bəyanatlar hələ ki, konkret danışıqlar prosesinə çevrilməyib, çünki iki ölkənin zəngin təcrübələri yoxdur. Birbaşa danışıqlardan asılı olmayaraq, yaxın gələcəkdə Ermənistan sülhə nail olmaq üçün danışıqlara başlamaq üçün vasitəçilərə (ATƏT-in Minsk qrupunun həmsədrlərinə) müraciət edə bilər.Məsələ hazırda işlənmə mərhələsindədir”,deyə o bildirib.


Bundan əvvəl Ermənistanın baş naziri Nikol Paşinyan dəfələrlə bəyan edib ki, 2020-ci ilin payızında Dağlıq Qarabağda baş verən hərbi əməliyyatlardan sonra onun kabineti regionda sülh erası açmağa hazırdır. Bunun üçün İrəvan həm Azərbaycanla sülh müqaviləsi bağlamaq, həm də Türkiyə ilə münasibətləri normallaşdırmaq niyyətindədir.(Armenpress)


Gülnar Nazimqızı

www.anews.az