Rəsmi Bakıdan Ararat Mirzoyana - CAVAB

15.03.2022 18:25

Ermənistanın xarici işlər naziri Ararat Mirzoyan ölkəsinin Türkiyə ilə diplomatik əlaqələr qurmağa hazır olduğunu bəyan edib, bu barədə Türkiyənin Anadolu agentliyi yazır.

"Ermənistan Türkiyə ilə diplomatik əlaqələr qurmağa və sərhədləri açmağa hazırdır. Türkiyəli həmkarımdan prosesi məhz bu məqsədə doğru aparmaqla bağlı ortada siyasi iradənin qoyulması barədə sözləri eşitməkdən məmnunam. Hesab edirəm ki, biz sürətlə dəyişən dünyada konkret addımlar atmaqdan çəkinməməliyik”, - Mirzoyan deyib.

Onun fikrincə, ümumilikdə iki ölkə arasında münasibətlərin normallaşması istiqamətində müsbət tendensiya müşahidə olunur.

Bir qədər əvvəl Vaaqn Xaçaturyan and içərək rəsmən Ermənistan prezidenti vəzifəsinə başlayıb.

Hazırda İrəvanla Ankara arasında diplomatik əlaqələr yoxdur və dövlətlər arasında sərhəd 1993-cü ildən bağlıdır. Tərəflər bir sıra fundamental məsələlərdə, o cümlədən 1915-ci il "erməni soyqırımı"nın tanınması məsələsində anlaşma əldə edə bilmirlər. Amma Ermənistanla Türkiyə arasında diplomatik münasibətlərin dayandırılması əssən Ermənistanın Azərbaycana ərazi iddiası irəli sürməsi ilə bağlıdır.

Mirzoyanın bəyanatından az sonra Azərbaycan XİN də ölkələr arasında münasibətlərin normallaşmasına etiraz etmədiyini bildirib.

"Azərbaycan və Ermənistan arasında münasibətlərin normallaşması ilə bağlı Azərbaycanın mövqeyi aydındır, bu barədə Xarici İşlər Nazirliyinin Mətbuat xidməti idarəsinin Azərbaycanın iki dövlət arasında münasibətlərin normallaşması ilə əlaqədar təklifləri ilə bağlı Ermənistan xarici işlər naziri Ararat Mirzoyanın söylədiklərinə dair şərhində deyilir.

XİN bildirilib ki, Azərbaycan münaqişə sonrası iki ölkə arasında münasibətlərin normallaşması və bölgədə sülh quruculuğu məsələlərinin vacibliyini nəzərə alaraq, bu xüsusda təkliflərini irəli sürüb və bu istiqamətdə irəliləməyə hazırdır.

"Əgər Ermənistan da məsələyə ciddi şəkildə yanaşırsa, o zaman konkret təkliflərini təqdim etməli və beləliklə də, substantiv və nəticəyə yönəlik danışıqlara başlamağa hazır olduğunu nümayiş etdirməlidir”, - XİN bəyanatında vurğulanıb.

Rəsmi Bakı həmçinin Türkiyə ilə Ermənistan arasında diplomatik əlaqələrin yaradılmasını da alqışladığını bildirib. Sonuncu dəfə bu barədə Azərbaycan xarici işlər naziri Ceyhun Bayramov Türkiyəli həmkarı Mövlud Cavuçoğlunun bu ilin martında Azərbaycana səfəri zamanı nazirlərin keçirdiyi birgə mətbuat konfransında bildirib.

Gülnar Baxşıyeva

N.Təbrizli

www.anews.az

Xəbəri bəyəndiniz?

Sosial şəbəkələrdə paylaş