Fərrux əməliyyatından sonra sülhməramlılar yenidən Xocalıda

Rusiya sülhməramlı kontingenti Qarabağ ərazisində tapşırıqları yerinə yetirməkdə davam edir, bu barədə Rusiya Müdafiə Nazirliyi məlumat yayıb.


Onlar Ermənistan və Azərbaycan Silahlı Qüvvələrinin Baş Qərargahları ilə əlaqə saxlayır və davamlı şəkildə qarşılıqlı əlaqədə olurlar.


Rusiyanın Qarabağdakı sülhməramlı kontingentinin məsuliyyət zonasında heç bir qanun pozuntusu qeydə alınmayıb. 


Bu barədə Rusiya Müdafiə Nazirliyinin mətbuat xidməti məlumat yayıb.


Rusiya sülhməramlıları Əsgəran, Ağdərə, Xocalı rayonlarında və Laçın dəhlizində dörd marşrut üzrə patrul xidməti həyata keçirib.


Qeyd olunur ki, 27 müşahidə məntəqəsində Rusiya sülhməramlıları vəziyyətin gecə-gündüz monitorinqini aparır və atəşkəs rejiminə əməl olunmasına nəzarət edir.


"Sülhməramlı kontingentin mühəndis-istehkam dəstələri ərazinin yoxlanılması, minalardan və partlamamış hərbi sursatlardan təmizlənməsini davam etdirir. Gün ərzində 1,8 hektar ərazi təmizlənib", - deyə Nazirliyin məlumatında deyilir.


Vurğulanır ki, 2020-ci il noyabrın 23-dən indiyədək ümumilikdə 2362,3 hektar ərazi, 689,5 kilometr yol, 1937 tikili partlamamış mina və mərmilərdən təmizlənib, 26 min 258 partlayıcı obyekt aşkar edilərək zərərsizləşdirilib.


Martın 24-də Azərbaycan Silahlı Qüvvələri Fərrux kəndi və eləcə də kəndin yaxınlığındakı strateji yüksəklikləri nəzarətə götürüb.



www.anews.az