DİN aprelin 25-də açılan cinayətlərin sayını açıqladı

" Respublikanın daxili işlər orqanları tərəfindən ötən gün ərzində törədilmiş 52 cinayətin üstü "isti izlər”lə açılıb.  Onlardan 15-i əvvəlki dövrlərdən  qalmış cinayət işləridir",  - DİN məlumatında bildirilir. 

Həmin məlumata görə, ümumilikdə axtarışda olan 79 nəfər, o cümlədən borclu şəxs qismində axtarışda olan 53 nəfər saxlanılıb. 

Respublikanın avtomobil yollarında 3 yol-nəqliyyat hadisəsi baş verib, nəticədə 3 nəfər ölüb, 1 nəfər xəsarət alıb.

   

Son bir gün ərzində narkotiklərlə əlaqəli 18 fakt aşkarlanıb. 

"Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 18, qanunsuz saxlanılan silah-sursatın götürülməsi və aşkarlanması ilə bağlı 3 fakt müəyyən edilib",  -  DİN bildirib. 

Cinayət törətməkdə şübhəli bilindikləri üçün saxlanan şəxslərin sayı isə 45 nəfərdir.