İrəvanda İran-Ermənistan Birgə Əməkdaşlıq Komissiyasının 17-ci iclası keçiriləcək

 

Görüş zamanı ticarət və kompensasiya, investisiya, tranzit və nəqliyyat, enerji, neft-qaz, maliyyə məsələləri müzakirə olunacaq.

Komissiya çərçivəsində iki ölkənin özəl sektorunun fəallarının iştirakı ilə ticarət konfransı keçiriləcək.

Mehrabyan həmçinin Ermənistan rəsmiləri ilə iki ölkə arasında inkişaf edən əlaqələri və ticarət həcmini müzakirə edəcək.

İrəvana səfəri zamanı Mehrabyanı İranın neft nazirinin müavini, İran Milli Qaz Şirkətinin icraçı direktoru, avtomobil yolları nazirinin müavini və bir sıra digər İran rəsmiləri müşayiət edəcək.

İran-Ermənistan Müştərək Ticarət Palatasının rəhbəri bu günlərdə İranın Ermənistana ixracının ötən il nəzərəçarpacaq dərəcədə artdığını bildirərək, Avrasiya İqtisadi Birliyi ilə ticarət müqaviləsinin də İranın ticarət əlaqələrinin inkişafında mühüm və təsirli rol oynadığını bildirib.

Birgə İqtisadi Komissiyanın iclası İran və Ermənistanın energetika nazirlərinin sədrliyi ilə baş tutacaq.

 

Gülnar