Rumıniya Azərbaycanla əlaqələrin inkişafına maraqlıdır- Virgil Daniel

Rumıniya Azərbaycanla əlaqələrin inkişafına maraqlıdır, bunu Rumıniyanın energetika naziri Virgil-Daniel Popesku jurnalistlərə açıqlamasında deyib.


"Azərbaycan və Ruminiya arasında energetika sahəsində geniş əməkdaşlıq mövcuddur. Biz kənd təsərrüfatı, logistika, nəqliyyat təhsil sahəsində işləri irəli aparmalıyıq. Daha böyük investisiyalar və əməkdaşlıq üçün imkanlar mövcuddur. Bu gün hər ölkədə şirkətlərimiz fəaliyyət göstərir", - o deyib.


Nazir vurğulayıb ki, Rumıniyanın Azərbaycanla strateji tərəfdaşlığa əsaslanan dost münasibətlərinin daim inkişaf etməsindən məmnundur. 


2021-ci ildə Azərbaycan və Rumıniya arasında ticarət dövriyyəsinin 31,3%, bu ilin 4 ayında isə 2,77 dəfə artıb.


Bu gün Rumıniya naziri Azərbaycan Prezidenti  İlham Əliyev ilə də görüşüb. Görüşdə sahələrdə, xüsusilə enerji, kənd təsərrüfatı sferalarında hərtərəfli əməkdaşlıq, enerji təchizatı, ərzaq təhlükəsizliyi, kənd təsərrüfatında yeni texnologiyaların və elektron sistemlərin tətbiqi ilə bağlı təcrübə mübadiləsi, gələcəkdə bir çox iqtisadi layihələrin icrasına dair məsələlər müzakirə olunub.



www.anews.az