Üçtərəfli İşçi Qrupu irəliləyiş əldə edib - AÇIQLAMA

Üçtərəfli İşçi Qrupun iclasında, eləcə də Peterbuq İqtisadi Forumu çərçivəsində həmsədrlərin təmasları zamanı nəqliyyat kommunikasiyalarının müxtəlif aspektləri ilə bağlı müəyyən irəliləyiş əldə olunub, tərəflərin mövqelərinin yaxınlaşmasına nail olunub. Bunu Rusiya Xarici İşlər Nazirliyinin İnformasiya və Mətbuat Departamentinin direktor müavini Aleksey Zaytsev bu gün keçirdiyi brifinqdə bildirib.

"Məlumdur ki, Üçtərəfli İşçi Qrup çərçivəsində regionda Azərbaycan, Ermənistan və onların qonşularının maraqlarına cavab verən avtomobil və dəmir yolu nəqliyyatı əlaqəsinin açılması müzakirə olunur. Konkret razılıq əldə olunacağı təqdirdə Üçtərəfli İşçi Qrupun həmsədrləri özləri ayrıca məlumat verəcəklər”, - o əlavə edib. 

2020-ci ildə İkinci Qarabağ Müharibəsində  10 noyabr bəyanatından təxminən iki ay sonra Moskvada Azərbaycan, Ermənistan və Rusiya rəhbərlərinin görüşü keçirildi və kommunikasiyaların açılması ilə bağlı qərar qəbul olundu, baş nazirlərin müavinləri səviyyəsində İşçi Qrup yaradıldı.



www.anews.az