İran rəsmisinin Azərbaycana gəlişindən gözləntilər - ŞƏRH

"İyulun 16-ı Türkiyə, İran və Rusiya prezidentləri görüşəcək. İstisna edilmir ki, Zəngəzur dəhlizinin açılması barədə fikir mübadiləsi aparılsın. Çünki indiki mərhələdə bu vacib kommunikasiya olacaq. Azərbaycana gələn İran rəsmisi ilə də bu mövzu barədə müzakirələr aparıla bilər. İranın mövqeyi hazırda dəyişməkdədir, xüsusilə də, Rusiya və İranın sanksiya altında olması Zəngəzur məsələsinin gündəmə gəlməsinə səbəb olacaq", - o bildirib. 

 

 

"Sözügedən məsələlər regionun gələcəyi ilə bağlı yoluna qoyulmalıdır. Türkiyə, Rusiya, Ermənistan  və Azərbaycan İranın da kommunikasiya  və bənzər məsələlərdə iştirakının tərəfdarıdır. Əli Şəmxaninin İrəvana səfəri və oradakı danışıqları Azərbaycana səfərinə görə planlaşdırılmış ola bilərdi. Həmin görüş İranın İrəvan ilə yaxın olması barədə mesaj rolunu oynaya bilərdi. İrəvan görüşü həm də Şəmxaninin Azərbaycana gəlişində güclü arqumentlər ilə çıxış edə bilməsinə yönəlmişdi. İranın da Azərbaycandan tələbləri var. Tələblərə hər hansı güzəşt edilmədiyi müddətcə İranın mövqeyi sabit qalacaq, Ermənistanın yanındadır. Düzdür, yekunda İran razılaşacaq, amma hazırda və sabahki görüşdə İran tələbləribə sadiq qalacaq. Ümumiyyətlə, İran Azərbaycan ilə Ermənistanın münasibətlərinin yaxşılaşdırılmasında aktiv rolda olmaq istəyir", - o söyləyib. 

Bu səfərdə Əli Şamxani azərbaycanlı həmkarı ilə görüşməklə yanaşı, Prezident İlham Əliyevlə də görüşəcək, ikitərəfli məsələlər, son regional və beynəlxalq hadisələr barədə danışacaq. Bundan öncə Əli Şəmxani iyulun 7-də İrəvana səfər edib və Ermənistanın Təhlükəsizlik Şurasının katibi Armen Qriroyanla görüşüb.