Bu gün İlham Əliyev və Paşinyan görüşəcək

Görüş Avropa İttifaqı Şurasının sədri Charles Michel vasitəçiliyi ilə baş tutacaq.

Ermənistan Baş naziri Nikol Paşinyan artıq ötən gün Brüsselə yola düşüb.

Avqustun 30-u Şarl Mişel hər iki ölkənin lideri ilə telefonla əlaqə saxlayıb və keçiriləcək görüşün gündəliyinə aid məsələlər müzakirə edilib.

 

Bu, İlham Əliyevin və Nikol Paşinyanın Aİ vasitəçiliyi ilə təşkil olunan sayca 4-cü görüşüdür.

 

Ermənistan və Azərbaycan liderləri arasında sonuncu görüş üç ay əvvəl, mayın 22-də baş tutub. Brüsseldə, Avropa Şurası prezidentinin təşəbbüsü ilə keçirilən görüşdə Əliyev və Paşinyan delimitasiya və sərhəd təhlükəsizliyi komissiyalarının iclasının təşkili barədə razılığa gəliblər.

 

Aytac Zeynalova